අතුරුදහන් පවුල් පේරාදෙණි සරසවියට..

අතුරුදහන්වූවන්ගේ පවුල් එකතුවේ තෝරාගත් 30 දෙනෙකුගේ කණ්ඩායමක් පසුගියදා පේරාදෙණිය සරසවියට ගියා. ඒ අතුරුදහන් පවුල්වල තුන්වන පරම්පරාව නියෝජනය කරන, පාසල් අධ්‍යාපනයේ නිරත දරු දැරියන් සමග ඔවුන්ගේ දෙමාපියන්.
මෙය බොහෝ දුශ්කරතා මැද, අතුරුදහන් පවුල්වල ඉගෙනුම ලබන, ඊළග පරම්පරාව වෙනුවෙන් තබපු පියවරක්. සරසවියේ පොදු ස්ථාන දැකගැනීම, සරසවි ප්‍රවේශයට උනන්දු කරවීම වගේම අතුරුදහන් පවුල්වලට ඥාතීත්වයක් ඇති ව්‍යාපාරයක් වන ලාංකීය ශිෂ්‍ය ව්‍යාපාරයත්, එම සටන්වලදී ඝාතනයට සහ අතුරුදහන්කරවීමට ලක්වූ සිසුවිරුවන් ගැනත් අවබෝධය සහ අත්දැකීම් හුවමාරු කරගත්තා.
මේ අවස්ථාවට ආචාර්ය කල්ප රාජපක්ෂ ද එක්ව සිටි අතර ආර්ථිකය සහ නිදහස් අධ්‍යාපනය පිළිබද කෙට් පිළිසදරක්ද පැවැත්වීය. පේරාදෙණිය විශ්වවිද්‍යාලයේ මහා ශිෂ්‍ය සංගමය සහ ශාස්ත්‍ර පීඨ ශිෂ්‍ය සංගමය මේ සදහා මැදිහත් කාර්ය භාරය සිදුකළා.
ලලිත කලා අධ්‍යයන අංශයේ ඉදුවර මාපා (බැල්මා) ශිෂ්‍ය සහෝදරයා දිනය පුරාවට
අතුරුදහන් පවුල් එකතුව සරසවි චාරිකාවේ රැගෙන යමින් අපට මගපෙන්වීම සිදුකළා.