අත්අඩංගුවේ සිටි තරුණයාට පහරදීලා, තරුණයාගේ මරණය ගැන පොලීසියට චෝදනා..

අත්අඩංගුවේ සිටි තරුණයාට පහරදීලා, තරුණයාගේ මරණය ගැන පොලීසියට චෝදනා..
“මගේ මහත්තයව රිය අනතුරක් සම්බන්ධයෙන් අත්අඩංගුවට ගත්තා. පැය කිහිපයක් රදවගෙන, පස්සෙ ගෙදර එව්වා. මහත්තයා කීවා මට පොලිසියෙන් පොලුවලින් හොඳටම ගැහුවා, මගේ පපුව රිදෙනවා කියලා. අපි එයාව රෝහලට රැගෙන ගියා"
මේ සිද්ධිය වාර්තා වෙන්නේ වාද්දූවෙන්. සමිත දිල්ෂාන්, වයස අවුරුදු 24යි, ඔහු එක්දරු පියෙක්. 2025.02.11 වාද්දූව පොලිසිය විසින් ඔහුව අත්අඩංගුවට ගෙන ඇත්තේ රිය අනතුරක් සිදු කිරීම සම්බන්ධයෙන් සැක පිටයි. වාද්දූව පොලිස් ස්ථානයේ පැය කිහිපයක් රදවාගෙන සිටි ඔහු පසුව නිදහස් කර තිබුණා. නිවසට පැමිණි දිල්ෂාන්ට ලේ වමනය ගොස් තිබෙනවා. පවුලේ අයට ඔහු කියා ඇත්තේ වාද්දූව පොලීසියේ රදවා සිටියදී පොලිස් නිලධාරියෙක් විසින් පොල්ලකින් ඔහුට දැඩි ලෙස පහරදුන් බවයි. එදින රාත්‍රියේ ඔහු රෝහල් ගතකිරීමෙන් පසු මියගොස් තිබෙනවා.
වාද්දූව පොලිසිය පවසන්නේ පොලිස් ඇප ලබා දී ප්‍රතිකාර ලබාදීම සදහා දිල්ෂාන්ව ඔහුගේ පවුලේ සාමාජිකයින්ට භාරදුන් බවයි.
“වාද්දුව පොලිසිය මගේ මහත්තයට ගහලා මැරුවා. මමයි මගේ අහිංසක දරුවයි තනිවුණා. අපිට සාධාරණයක් කරල දෙන්න”.
රෝෂිනී ලක්මාලී, මියගිය දිල්ෂාන්ගේ බිරිද