රිචඩ් ද සොයිසා අනුස්මරණය : සංවාදශීලි සම්මන්ත්‍රණය

රිචඩ් ද සොයිසා අනුස්මරණය : සංවාදශීලි සම්මන්ත්‍රණය
1990 පෙබරවාරි 18 පැහැරගෙන ගොස්, වදබන්ධනයට ලක්කර මරාදැමූ රිචඩ් ද සොයිසා ගැන අවුරුදු 35කට පසු නැවත වරක් සමාජයේ කතාවට ලක්වෙලා. මේ කතාබහ සිද්ධ වන්නේ අශෝක හදගමගේ 'රාණි' චිත්‍රපටිය නිසා. රිචඩ්ගේ ඝාතනය සහ ඔහුගේ මව මනෝරාණි සරවනමුත්තුගේ භූමිකාව සිනමා තිරයට ගෙන ඒමෙන් ලංකාවේ දකුණේ මළ කදවත් නොලැබුණු, සොහොන් කොතක්වත් නැති අතුරුදහන් 60000ක් පමණ ආදරණීයයන්ගේ මවුවරු සහ බිරින්දෑවරු ගැන සමාජ සහකම්පනය යළි දැනෙන්න පටන් ගෙන. උතුරේ අතුරුදහන් කරවීම් ගැනද ඉන් ප්‍රශ්ණ කරයි.
ඒ එක්කම මනෝරාණි නායකත්වය දුන් 1991 පිහිටවූ "මවුවරුන්ගේ පෙරමුණ" 1994 බල පෙරලියට, ලංකාවේ පළමු වරට ස්වාමියා ඝාතනය වූ බිරිදක්, මවක් රටේ විධායක ජනාධිපති ලෙස පත් කිරීමට දරුවන් අහිමි මවුවරු, ස්වාමියා අහිමි බිරින්දෑවරු ගිය පා ගමනුත් තිබුණට රැවටිලිකාර දේශපාලනය තුළ දකුණේ අතුරුදහන් හා ඝාතනයට ලක්වූ සියලු දෙනාට කෙසේවෙතත්, 94ට පෙරමුණ ගත් මනෝරාණිටවත් සිය පුතුගේ ඝාතනයට යුක්තිය ඉටුවූයේ නෑ. ඉතිහාසයේ තතු එසේමුත්, ඉතිහාසය ඉන් අවසන් නැත. අතුරුදහන් කිරීම් සහ ඝාතනවලට එරෙහි එම අරගලය අවුරුදු 35ක් පුරා අත නොහැර ඉදිරියට පැමිණ තිබේ.
හදගමගේ 'රාණි' හරහා රිචඩ්ගේ අඩි සද්දයත් සමග අපරාද රාජ්‍යයේ දෝංකාරය අලුත් වටයකින් කියවීම හා මැදිහත්වීම ආරම්භ කිරීම තුළ වත්මන් සමාජය ඉදිරියේ යුක්තිය අත්පත් කරගැනීම සදහා වන ඉදිරි දිශානතිය හා අදාළය.
මරාදැමූ රිචඩ් ද සොයිසා අනුස්මරණය : සංවාදශීලි සම්මන්ත්‍රණය
දිනය: 2025 පෙබරවාරි 18
වෙලව: සවස 3ට
ස්ථානය: කොළඹ ජාතික පුස්තකාල ශ්‍රවණාගාරය
අදහස් දැක්වීම:
නන්දන වීරරත්න
ප්‍රදීප් ජෙගනාදන්
විදර්ශන කන්නන්ගර
අසංක අබේරත්න
ප්‍රවේශය සහ මෙහෙයවීම: මරීන් නිලාෂනි