පළාත් සභා ගැන අලුත් වැඩක්..

පළාත් සභා ගැන අලුත් වැඩක්..
අතුරුදහන්වූවන්ගේ පවුල් එකතුවේ අධ්‍යාපන වැඩසටහන් අංශයේ තවත් වැඩමුලුවක් පසුගියදා මාතරදී පැවැත්වූවා.
"මේක දින දෙකක නේවාසික අධ්‍යාපන වැඩමුලුවක්. මීට කාලෙක උඩදී අපේම අවශ්‍යතාවකට අනුව මාධ්‍ය අධ්‍යනය සහ පුහුණුව, ලංකාවේ මර්දනීය අණපනත්, මානව හා මූලික අයිතීන්, දේශීය සහ ජාත්‍යන්තර මානව හිමිකම් යාන්ත්‍රණය, එක්සත් ජාතීන්ගේ ක්‍රමවේදය යන පැතිකඩ ගැන අධ්‍යාපන වැඩසටහන් ආරම්භ කළා. ඒවා අධියර කිහිපයක් යටතේ ඉදිරියට යනවා.
ඒ අතර තවත් සංකීර්ණ පැතිකඩක් ගැන අපි අලුතින් වැඩසටහනක් පටන් ගත්තා. "(ශ්‍රී) ලංකාවේ ජාතික ගැටලුව සහ බලහත්කාරී අතුරුදහන් කරවීම්". මේ පාර පැවැත්තුවේ ඒකේ තුන්වන අධියර. ඒ පළාත් සභා ගැන. ඉන්දු ලංකා ගිවිසුම, 13 වන ආණ්ඩුක්‍රම ව්‍යවස්ථා සංශෝධනය, ඉන්දියානු ව්‍යාප්තවාදය සහ 1987ට අදාළ දේශපාලන ගැටුම් ඉතිහාසය ගැන අපි බොහෝ දේවල් අධ්‍යනය කළා. ඉදිරියේදී පළාත් සභා මැතිවරණයත් එන නිසා මෙතනදී අතුරුදහන් ප්‍රජාව විදිහට ශක්තිමත් ස්ථාවරයක් අපි මේ හරහා ගොඩනගනවා"
I.D.R. මල්ලිකා
අතුරුදහන්වූවන්ගේ පවුල් එකතුව