අවසන් වාර්තාව, සති හයක් තුළ ඉදිරිපත් කරනවා

අවසන් වාර්තාව, සති හයක් තුළ ඉදිරිපත් කරනවා"
එලැබෙන මාර්තු 27 වෙනිදා, මුලතිවු මහේස්ත්‍රාත් අධිකරණයේ තීරණාත්මක නඩු වාරයක් කැදවීමට නියමිතයි. ඒ 2023 ජුනි 29 හමුවූ කොක්කුතෝඩුවා සමූහ මිනීවලට සම්බන්ධවයි.
මෙම සමූහ මිනීවලේ #කැනීම් 2024 ජුලි 15 අවසන් වන විට මිනිස් අස්ථි පද්ධති 52ක් ගොඩගෙන තිබුණා. ඊට අමතරව ඇදුම්, ඇදුම්වල සදහන් අංක, ඔවුන් පැලද සිටි අංක තහඩු සහ ඩිජිටල් පුවරුවක් හමුවුණා.
මෙම උපකරණ ආශ්‍රයෙන් වින්දිතයින්ගේ පවුල්වල ඥාතීන් හදුනාගත හැකි බව කැනීම් භාර නිළධාරින් ප්‍රකාශ කළා. කැනීම් කටයුතු සිදුකළේ මුලතිව් දිස්ත්‍රික් අධිකරණ වෛද්‍ය නිලධාරී කනගසභාපති වාසුදේවාගේ ප්‍රධානත්වයෙන්.
අතුරුදහන්වූවන්ගේ පවුල් සාමාජිකයින් බොහෝ පිරිසක් මේ වනවිට ඒ සදහා දිවුරුම් ප්‍රකාශ සහ ඩී.එන්.ඒ සාම්පල ඇතුළු ජීව දත්ත ලබාදී තිබෙනවා. ඉදිරි පරීක්ෂණ කටයුතු එසේ සාර්ථක වුවහොත් මෙතක් ලංකාවේ ගොඩගත් සමූහ මිනීවලවල් 23න් වින්දිතයින් හදුනා ගැනීමට හැකිවන පළමු සමූහ මිනීවල මෙය වනවා.
"#කොක්කුතොඩුවායි සමුහ මිනි වල සම්බන්ධයෙන් මම වාර්තා දෙකක් අධිකරණයට ඉදිරිපත් කළා. පළමුවැනි වාර්තාව ගොඩගත් ඇටසැකිලි සමග තිබුණ ඇඳුම් සම්බන්ධයෙන්. දෙවැනි වාර්තාව එම අස්ථි කාගේදැයි හඳුනා ගැනීමට උපකාරී වන අනිකුත් ද්‍රව්‍යය ගැන. අවසන් වාර්තාව නිකුත් කරන අවස්ථාවේ දී මියගිය පුද්ගලයා මියගියේ කුමක් නිසාද? ඔවුන්ගේ වයස, උස යනාදී විස්තරත් ඉදිරිපත් කරනවා. එතකොට අංක තහඩු ඇති අයගේ ඥාතීන්ට මියගිය පුද්ගලයා පහසුවෙන් හඳුනාගන්න පුළුවන්"