වරායසමූහමිනීවල – කැණීම් යළි අරඹයි..

ඉගුරුකඩේ මංසන්ධියේ සිට කොළඹ වරාය දක්වා ඉදිවන අධිවේගී මාර්ගයේ කැණීමකදී 2024.08.13 අහඹු ලෙස මතුවූ මිනිස් අස්ථි කොටස් ගොඩ ගැනීමේ කටයුතු ආරම්භ කළේ 2024.09.05 කොළඹ අලුත්කඩේ අතිරේක මහේස්ත්‍රාත් බණ්ඩාර ඉලංගසිංහ ගේ නියෝගය පරිදි සහ අධීක්ෂණය යටතේ. එහි පළමු කොටසේ කැණීම් කටයුතු 2024.09.05 සිට 09.14 දක්වා සිදු කෙරුණා. එහිදී මිනිස් අස්ථි පද්ධති 4ක්, දත් සහ හිස් කබලක් ඇතුළු ශේෂ කොටස් ගොඩගත්තේ කොළඹ අධිකරණ වෛද්‍ය නිලධාරී සහ කැනීම් භාරව කටයුතු කරන පුරාවිද්‍යා මහාචාර්ය සහ කැනීම් පිළිබද විශේෂඥ රාජ් සෝමදේව මහතාගේ මූලිකත්වයෙන්. කැණීම් කටයුතුවල පළමු අධියර එසේ නිමා වූ අතර එහි දෙවන අධියර 2025.01.27 දින ආරම්භ කළා.
එහි දෙවන දිනයට කැණීම් වල ආශ්‍රිත අවට තවත් වලවල් දෙකක් බැකෝ යන්ත්‍ර ආධාරයෙන් පාදාගනිමින් සිටී. මෙය කුමන කාලයට අයත් සමූහ මිනීවලක්ද?, එය අපරාධයකට යටත් කළ පිරිසකගේද? සහ එහි වින්දිතයන් කවුරුන්ද යන්න හදුනාගැනීමට නියමිතව තිබේ.
අතුරුදහන්වූවන්ගේ පවුල් එකතුව විසින් කැණීම් කටයුතු අඛණ්ඩව නිරීක්ෂණය කරමින් සිටින අතර, කැණීම් පිළිබද තොරතුරු ජනතාවට දැනගැනීම සදහා මාධ්‍ය මෙහෙවරකද නිරත වී සිටී. මේ පිළිබදව මුල සිට අප පළ කළ තොරතුරු පහත සබැදීන් හරහා ඔබට ලබාගත හැක.